Konjufca: Serbinë e udhëheq një president i cili në atë kohë ishte ministër i kryekriminelit Millosheviq - Realiteti

Konjufca: Serbinë e udhëheq një president i cili në atë kohë ishte ministër i kryekriminelit Millosheviq

Kryetari i Kuvendit të Kosovës, Glauk Konjufca tha se ende jeton e liga, derisa vazhdojnë të mbeten të hapura shumë varre.

Ai po ashtu u shpreh se me drejtësinë nuk janë ballafaquar ende mijëra kriminelë serbë të l*ës.

Sot Serbinë e udhëheq një president i cili në atë kohë ishte ministër i kryekriminelit Milosheviq. Ai zotohej se “për çdo serb të vrarë do t’i vrasim 100 boshnjakë“, shkroi ai në Facebook.

Postimi i plotë:

Në korrik të vitit 1995, forcat ushtarake serbe vranë dhe masakruan mbi 8000 burra, gra, djem dhe të mitur boshnjakë në Srebrenicë.

Dy gjykata ndërkombëtare këtë mizori serbe e cilësuan me emrin e vërtetë – Gjenocid, ndërsa Parlamenti Evropian e shpalli 11 korrikun si “Ditë e Përkujtimit të Gjenocidit në Srebrenicë”.

Edhe Kuvendi i Republikës së Kosovës tashmë ka miratuar Rezolutën përmes të cilës e dënoi gjenocidin në Srebrenicë ndaj popullit boshnjak.

Por e liga ende jeton përderisa në Srebrenicë, sikur edhe gjithandej nëpër Kosovë, vazhdojnë të mbeten të hapura shumë varre, në pritje të trupave të të zhdukurve me dhunë që kërkojnë prehje.

Serbia ende nuk e pranon dhe nuk është ndëshkuar për gjenocidin e ushtruar me zjarr e hekur në Srebrenicë dhe në Kosovë. Me drejtësinë nuk janë ballafaquar ende mijëra kriminelë serbë të l8ës. Sot Serbinë e udhëheq një president i cili në atë kohë ishte ministër i kryekriminelit Milosheviq. Ai zotohej se “për çdo serb të vrarë do t’i vrasim 100 boshnjakë”.

Shprehim pikëllimin e thellë për njerëzit e pafajshëm që pësuan në gjenocidin e Srebrenicës dhe ndajmë dhimbjen e pafund me familjarët e tyre.

Leave a Reply

Your email address will not be published. Required fields are marked *